Askari katirsan Dowladda Fedaraalka ayaa si bareer ah magaalada Muqdisho dhaawac culus ugu geystay wiil dhalinyaro ah, iyadoona ehelkiisu ay dalbadeen cadaalad.
Saacadihii lasoo dhaafay waxaa xaafad katirsan degmada Dharekenley ee magaalada Muqdisho ka dhacay, toogasho bareer ah oo uu askari katirsan Dowladda Fedaraalka u geystay wiil dhalinyaro ah.
Wiilka dhalinyarada ah oo lagu magacaabo Shaafici, kana mid ah dhalinyarada ka xeysa Mooto Bajaajta, ayaa waxaa soo gaaray dhaawac aad u daran iyadoo kolkii hore dhimasho loo diiwaan galiyay.
Ehellada wiilka dhalinyarada ah iyo bajaajleyda oo ka hadlay falkaan ayaa waxa ay sheegeen, in Shaafici uu xaraarug yahay kuna jiro xaalad ay geeridu dhaanto, iyagoona cadaalad dalbaday.
