Malleeshiyada RSF ee caadeystay daadinta dhiigga dadka shacabka ah islamarkaana taageerada ka heleysa dowladda Imaaraat-ka Carabta, ayaa dad shacab ah ku xasuuqday tuuloooyin dhaca Bariga magaalada Al-Faashir ee gobolka Daar-Fuur.
Illa aiyo 10 tuulo ayey kooxda Ad-Dacmu As-Sariic weeraro ku qaadeen, waxayna dileen dad tiradooda lagu sheegay 18 ruux, halka ay dhaawaceen dad ka badan 25 kale.
Wararku waxay intaasi ku darayaan in dadka ay laayeen ku jiraan caruur iyo haween, islamarkaana dhaawacyada badankood ay yihiin kuw daran, maadaam ay malleeshiyadan hubka culus u adeegsatay deegaanada ay dadka rayadka ah ku noolaayeen.
RSF ayaa noqotay koox shaqo ka dhigatay gumaadka dadka shacabka ah, xasuuqyada noocaan ah ee ay ku kaceyso malleeshiyadan ayaana noqday kuwo aad ugu soo laa laabtay gudaha wadankaasi.
