Kadib heshiiskii xabad joojinta ahaa ee ay horay uwada gaareen maamulka Yahuudda iyo ururka Shiiciga ah ee isku magacaabay Xisbullaah, ayaa maalitnii shalay markii ugu horreysay waxaa magaalada Beyruut gaar ahaan mandiqadda loo yaqaan Ad-Dhaaxiyaha Al-Januubiyah, waxaa ka dhacay duqeyn ay fulisay Yahuudda.
Inkastoo heshiiska ay gaareen dhanka Yahuudda uusan ka dhaqangelin, islamarkaana horay ay ugeysteen dhibaatooyin kala duwan oo ka dhacayay Koonfurta dalkaasi, hadane waxay duqeynta shalay ee Beyruut ahayd mid ku cusub dhegaha dadka magaaaladaasi, kadib muddo bilooyin ah oo ay ka nasteen maqalkeeda.
Natanyahu oo ah Ra’iisulwasaaraha Yahuudda ayaa Lubnaan ugu goodiyay iney meel kasto oo kamid ah duqeyn doonaan.
Yahuudda uu kamid yahay xagjirka Natanyahu ayaa mar waliba marmarsiiyo kaga dhigta duqeymaha ay ka fulinayaan wadamada Muslimiinta ee ah Lubnaan iyo kuwa kale ee ku hareereysan, iney halis ku yihiin amnigooda.
