Tan iyo Maalintii ay dib ubillowdeen duqeymaha Qazza waxaa maanta laga joogaa 15 maalin, iyadoo marba marka ka dameysa ay isa soo tarayaan waxyeellooyinka ka dhalanaya duqeymahan.
Tiro koob ay sameysay wasaaradda caafimaadka ee Qazza ayaa lagu sheegay, in tan iyo bilowgii duqeymahan ay Marinka Qazza Mar kale ku Shiideen dad kor udhaafaya 1,000 [kun] ruux, waana muddo kayar 20 maalmood.
Tirada shuhadada ah ugu yaraan 322 kamid ah waxaa lagu sheegay caruur, halka inta kalena ay yihiin dad waaweyn oo isugu jira rag iyo dumar.
Waxaa intaasi sii dheer in jiraan dhaawacyo gaaraya boqolaal qof, kuwaasoo aan haysan daryeelkii ay ubaahnaayeen, Yahuudduna ku duqeyneyso goobaha caafimaadka.
Tani ayaa ka dhigan tiro koob hor leh oo muujinaya gumaadka bahalnimo ee mar kale ku bilowday reer Qazza, islamarkaana gallaaftay nolosha dad badan oo aan waxba galabsan.
Dhanka kale, kooxaha muqaawamada Falastiin ayaa dib ubillaabay hawgalladooda, iyagoo qarax miino Bariga magaalada Khaan Yuunis kula beegsaday gaari gaashaaman oo uu leeyahay maamulka Yahuudda, sido kale isla goobta ku duqeeyay qoriga Hoobiyaha.
