Qiimaha saliidda ayaa Jimcihii hoos u dhacday boqolkiiba 7, xadigan ayaa noqonaya hoos u dhicii ugu hooseeyay ee la diwaan galiyo in ka badan saddex sano, iyada oo Shiinuhu uu kor u qaaday canshuuraha badeecooyinka loogasoo dhoofiyo Maraykanka, taas oo kor u qaadaysa dagaal ganacsi oo u dhaxeeya maalgashadayaasha wax ku iibsada qiimaha sare.
Shiinaha, oo ah dalka ugu badan ee soo dhoofsada saliidda, ayaa ku dhawaaqay in uu canshuur dheeri ah oo boqolkiiba 34 ah kusoo rogi doono dhammaan badeecooyinka Mareykanka, taasoo dhaqan galaysa 10-ka bishan Abriil.
Waddamada caalamka ayaa isku diyaarinaya in ay jawaab bixiyaan, kaddib markii Trump uu sare u qaaday canshuuraha uu kusoo rogay badeecadaha loo iibgeeyo Maraykanka, waana heerkii ugu sareeyay oo canshuur ah oo Maraykanka laga diwaan galiyo mudo ka badan qarni.
Qiimaha badeecadahan, oo ay ku jiraan gaaska dabiiciga ah, soybeans-ka iyo dahabka, ayaa sidoo kale hoos u dhacay, halka suuqyada saamiyada adduunkuna ay marti galiyeen hoos u dhac kan lamid ah.
