Kooxda RSF ee taageerada ka helaya dowladda Imaaraadka Carabta, ayaa maalintii shalay duqeeyay magaalada All-Faashir ee dhacda Galbeedka dalka Suudaan, waxayna halkaasi ku dileen dad badan halka ay dhaawacyo gaareen kuwo kale.
Gentaallada oo ku dhacday qeybo kamid ah gudaha magaalada iyo isbitaalka As-Sucuudii ee ku yaalla magaaladaasi, ayaa waxaa naftooda ku waayay dad gaaraya 10 ruux halka ay ku dhaawacmeen 20 kale, sida ay warbaahinta u sheegeen dad xog ogaal ah.
Jimcihii lasoo dhaafay ayey ahayd markii sidan oo kale malleeshiyadan ay uduqeeyeen isbitaalka Al-Faashir, waxay halkaasi ku dileen 9 ruux halka ay ku dhaawaceen 20 kale.
RSF ayaa gumaad joogto ah ku haya shacabka Suudaan, waxaana ku garabtaagan gabood falladooda xukuumadda Imaaraadka Carabta.
