Mu’assasada warbaahineed Al-Malaaxim ayaa baahisay filim muuqaal ah oo lagu soo bandhigayo, ictiraafaatka xubin katirsanaa sirdoonnada Maraykanka iyo Imaaraatka Carabta, kaasoo ka dambeeyay howlgallo lagu beegsaday dad muslimiin ah iyo xubno katirsan Mujaahidiinta AlQaacida ee Jaziiratul Carab.
Filimka oo loogu magacdaray Masaacirul Khawana, ayaa lagu soo bandhigayaa qiraallada uu bixinayo Wahab Axmed, oo ahaa xubin firfircoon oo katirsanaa jawaasiita la shaqeysa CIA-da Maraykanka iyo Imaaraatka Carabta, kaasoo uu gacanta kusoo dhigay Jihaazka amniga ee Mujaahidiinta AlQaacida.
Wuxuu ugu horeyntii ka waramayaa magiciisa, qaabka loo askareeyay iyo howlgalkii ugu dambeeyay ee uu fuliyay, kaasoo sabab u noqday dilka labo mujaahid oo katirsan Ansaaru Shareeca.
Jaajuuskan kasoo muuqday isdaarka cusub ee mu’assasada Al-Malaaxim laguna magacaabo Wahab Axmed, ayaa tilmaamaya in sirdoonnada Maraykanka iyo Imaaraatka inkastoo ay wada shaqeeeyaan, hadana aanu Ameerikaanku kalsooni badan ku qabin Imaaraatka.
Saraakiisha Ameerikaanka ee uu la xariirayay ayaa u sheegi jiray in xogaha muhiimka ah ee kusoo dhaco, aanu la wadaagin Imaaraatka Carabta, halka Imaaraatku laftooda doonayeen iney iyagu xogaha ku hormaraan, si ay ugu gudbiyaan Maraykanka, una tusaan daacadnimadooda.
