Shalay iyo maanta qaraxyo dhowr ah oo ka dhacay degaano katirsan Shabeellaha Hoose waxaa ku dhintay tiro askar oo katirsan shisheeyaha iyo Dowaladda Fedaraalka halka ay ku dhaawacmeen qaar kale.
Haddii aan ku bilowno qaraxyo maanta ka dhacay inta udhaxaysa degaanada Buufow iyo Shalambood, oo lala beegsaday kolonyo shisheeye ah, waxaa ku dhintay 2 askari oo shisheeye ah iyo mid katirsan Dowladda Fedaraalka, halka ay ku dhaawacmeen 3 kalne oo shisheeye ah.
Dhanka kale faahfaahin ayaa laga helayaa qaraxyo shalay ka dhacay agagaarka degaanka Nambar 60, kuwaasoo oo lala beegsaday ciidamada shisheeye.
Qaraxyadaasi waxaa ku dhintay 3 askari oo shisheeye ah iyo askari kamid ah Dowladda Fedaraalka, halka ay ku dhaawacmeen 2 kale oo midi shisheeye ah iyo mid kale oo kamid ah Dowladda Fedaraalka.
Sido kale waxaa lagu gubay gaari Taw ah oo ay leeyihiin ciidamada shisheeye ee qaraxa lala eegtay.
Isku soo wada duuboo weeraradan ayaa ah kuwo sababay khasaare nafeed iyo mid maadi ah oo soo gaaray shisheeyaha, maadaama ay askari dhimasho iyo dhaawac kaga noqdeen gaadiidna laga gubay.
