Xogo dheeraad ah ayaa laga helayaa weerar qarax ah oo maalintii shalay ciidamada Xarakada Mujaahidiinta Al-Shabaab la beegsadeen askar katirsan Dowladda Xabashida Itoobiya.
Qaraxa ayaa waxa uu si gaar ah kaga dhacay degmada Waajid ee gobalka Bakool, waxaana Xabashida looga dilay 2 askari halka looga dhaawacay 2 kale.
Sidoo kale gobalka Baay, waxaa tafaasiil dheeri ah laga helayaa weerar qorsheysan oo ay ciidamada Xarakada Mujaahidiinta Al-Shabaab shalay ka fuliyeen gobalkaas.
Weerarka ayaa askarta maamulka la baxay Koonfur-galbeed lagula beegsaday halka loo yaqaanno Makuudo oo dhacda duleedka magaalada Beydhabo.
Inta la xaqiijiyay waxaa weerarkaasi lagu dilay 4 askari oo katirsan maamulka la baxay Koonfur-galbeed, halka lagu dhaawacay 12 kale.
Dhanka magaalada Muqdisho, Ugu yaraan 2 askari oo katirsan Dowladda Fedaraalka ayaa lagu dhaawacay, weerar qarax ah oo ay ciidamada Xarakada Mujaahidiinta Al-Shabaab la beegsadeen, fariisin ay askarta Dowladda Fedaraalka ku leeyihiin Ex-controol Afgooye ee magaalada Muqdisho.
Sidoo kale Qarax ka dhacay degmada Yaaqshiid ee magaalada Muqdisho ayaa lagu dhaawacay askari katirsan Dowladda Fedaraalka.