Beesha Maxamuud Hiraab oo kamid ah beelaha Soomaaliyeed ayaa si adag u cambaareysay, tallaabo guracan oo dhawaan ciidamo katirsan kuwa Dowladda Federaalka ku laayeen dad shacab ah oo u dhashey beesha, kadibna ay Dowladda Federaalka ku tilmaamtay iney ahaayeen xubno katirsan Xarakada Mujaahidiinta Al-Shabaab.
Odayaal dhaqan iyo dhalinyaro kasoo jeeda beesha Maxamuud Hiraab oo shir jaraa’id ku qabtay Muqdisho, ayaa sheegay in dadka lagu xasuuqay deegaan hoostaga Xiindheere ee gobolka Galgaduud, ahaayeen xoolo dhaqato shacab ah, oo kasoo jeeda beesha Maxamuud Hiraab, wax shaqo ahna aaney ku lahayn Xarakada Al-Shabaab.
Waxay wax laga xumaado ku tilmaameen in Dowladda Federaalka ay Shabaab ku tilmaamto dadkaas maatida ahaa.
