Wakaaladda wararka ee Yunhaab oo kasoo hadasha dalka Kuuriyada Koonfuryeed ayaa sheegtay, in ciidanka Booliska ee xukuumadda ka jirta wadankaasi ay weerar ku qaadeen, xafiiska madaxweynaha Kuuriyada Koonfureed Yoon Suuk Yuul.
Waxayna arrintani timid kadib marii uu Yoon Suuk isku dayay dhawaan inuu wadankaasi kusoo rogo xukun deg deg ah, hase ahaatee u uku fashilmay.
Madaxweynaha wadankaasi ayaa haatan wajahaya baaris la xiriirta eedeyn ah inuu ku kacay fallaaganimo taasoo sabab looga dhigay inuu wadanka kusoo rogay xukun deg deg ah, waxaana gudaha loo galay xafiiskiisa oo la baarayo, inkastoo aan isaga waxba la weydiin islamarkaana la xirin.
Booliska wadankaasi ayaa sheegay iney baaritaanno ku hayaan xafiiska madaxweynaha dalkaasi iyo dhowr xarumood oo kale oo qaabilsan amniga xukuumadda Kuuriyada Koonfureed.
Dhinaca kale waxaa soo baxay warar sheegaya in wasiiirkii hore ee difaaca xukuumadda kuuriyada Koonfurteed oo dhawaan xilka laga qaaday islamarkaana loo xiray sababo la xiira arrinta uu ku kacay madaxweynaha Kuuriyada Koonfurteed ayaa haatan lasoo sheegay inuu isku dayay inuu nafta isdhaafiyo, in kastoo aysan usuuragelin arrintaasi.
Waxaa la sheegayaa inuu haatan nool yahay sida ay xaqiijiyeen ilo rasmi ah, ninkan ayaana horay xilka isaga casilay kadib markii uu madaxweynaha dalkaasi ku dhawaaqay xukunka deg dega ah ee fashilmay.
