Madaxweynaha maamulka labaxay Soomaaliland ayaa Umahadceliyay Dowladda Imaaraatka Carabta, isagoo ku sheegay iney kaalin weyn ka qaadatay maalgashiga dekadda Berbera.
Cabdi-Raxmaan Cirro oo dhawaan ka qeybgalay kulan ka dhacay dalka Imaaraatka Carabta oo ay dowlado badan iyo hay’ado kala duwan kasoo qeybgaleen, ayaa aad ugu faraxsanaa soo dhaweynta loo sameeyay, iyadoo siyaasiyiinta iyo wasiirada maamulkiisa ku sheegeen iney billow u tahay in loo aqoonsado maamulka Soomaaliland, dal ka madax banaan Soomaaliya.
“Ugu horeyn waxaan uga mahadcelinayaa Dowladda Imaaraatka Carabta iyo shirkadda DP World, maalgashiga ay ku sameeyeen dekedda Berbera. maalgelintaas waxay caalami ka dhigtay dekedda, oo ay adeegsadaan dowladaha deriska ah, waxay sidoo kale maalgelintan ka dhigtay Berbera mid dalal waaweyn ku xirta wadanka aan deriska nahay ee Itoobiya”.
Imaaraatka Carabta ayaa ah dal ku daaban Yahuudda iyo Maraykanka, wuxuuna caalamka Islaamka ka wadaa hagardaamooyin la degay bulshooyin badan, waqti xaadirkanna waa dalka keliya ee carbeed ee sida tooska ah u sheegay, inuu taageersanyahay ololaha Donald Trump ee lagu doonayo in muslimiinta Qazza looga barakiciyo dhulkooda.
