Cali Maxamed Geedi oo ah Ra’iisal Wasaarihii hore ee Dowladdii Kumeel-gaarka, ayaa waxa uu ka hadlay guuldarooyinkii isdaba joogga ahaa ee Dowladda Fedaraalka ku gaarayay degmooyin iyo deegaanno katirsan gobalka Sh-dhexe.
Cali ayaa qoraal uu kusoo daabacay baraha uu Internetka ku leeyahay waxa uu ku muujiyay, sida uu uga xun yahay qabsashada Xarakada Mujaahidiinta Al-Shabaab ee degmada Aadan-Yabaal iyo deegaannada kale ee Sh-dhexe.
Waxa uu ceeb iyo khasaare weyn ku tilmaamay la wareegitaankii Xarakada Mujaahidiinta Al-Shabaab ee degmada Aadan-Yabaal oo ah magaalo istaraaatiiji ah.
Waxa uu isweydiiyay suaa’lo dhowr ah oo la xiriira guuldarooyinka is raacraacay ee Dowladda Fedaraalka ku gaaraya gobalka Sh-dhexe, isagoo walaac ka muujiyay awoodda Xarakada Mujaahidiinta Al-Shabaab iyo dardarta dagaallada ay hadda ka wado gobalka Sh-dhexe.
Madaxweynaha Dowladda Fedaraalka Xasan Sheekh ayuu ugu baaqay inuu keeno istaraaaryiijiyad Siyaasadeed, mid Millatari iyo mid difaac intaba, taas oo ku wajahan dagaalka ay kula jiraan Xarakada Mujaahidiinta Al-Shabaab.
Hadalka Cali Maxamed Geedi ayaa kusoo aadaya, iyadoo madaxda Dowladda Fedaraalka ay aad uga caroodeen in awood millatari looga saaro degmada Aadan-Yabaal ee gobalka Sh-dhexe, waxaana tan iyo qabsashadii degmadaas kadib bannaanka usoo baxay walwalka heysta madaxda, saraakiisha iyo ciidamada Dowladda Fedaraalka.
Halkaan ka Degso Warka Cali Maxamed Geedi
