Dowladda Al-Jazaa’ir ayaa shalay ku dhawaaqday iney soo riday diyaarad nooca aan duuliyaha lahayn ah oo soo gashay habeen hore hawada dalkaasi, iyadoo aan haysan wax ogolaashiyo ah.
Diyaaraddan ayey ciidamada cirka ee AlJeeriya kusoo rideen magaalada Tiin Zaawitiin oo ku taalla xad beenaadka udhaxeeya wadamada Mali iyo AlJeeriya,
War kasoo baxay wasaaradda difaaca ee xukuumadda Al-Jazaar’ir ayaa lagu sheegay in diyaaradda ay soo rideen ahayd nooca wax basaasa, 2KM masaafo dhanna ay gudah ugashay hawada wadankaasi marka laga hadlayo cabirka dhulka, maney bixin tafaasiil intaasi ka dheeri ah oo ku saabsan diyaaradda.
Dhan kale xukuumadda Mali ayaa sheegtay in diyaarad ay leeyihiin ciidankooda ay ku burburtay meel udhow magaalada Tiin Zaawitiin qeybta jirta dhanka Mali ee katirsan mandiqadda Kiiydaal.
Marka laga soo tago falkan ka dhacay, dowladda Mali waxay diyaaradaha noocaan ah duqeymo ay ku fuliyeen horay ugu laysay dad badan oo shacab ah, kuwaasoo ay si gar darro ah ugeegsadeen.
