Dadkaan oo dhawaan laga burburiyay guryahooda oo ku yaalla xaafadda Jaamacadaha ee degmada Hodan ee magaalada Muqdisho, ayaa waxa ay maalintii shalay isku soo bax ka dhigeen, afaafka hore ee Maxkamadda Gobalka Banaadir ee Dowladda Fedaraalka.
Waxa ay tilmaameen in dhibaatooyin kala duwan ay kala kulmeen ciidamada Dowladda Fedaraalka, iyagoo aan digniin la siinna lagu soo duulay oo si gardarro ah loo burburiyay guryahooda.
Hantidooda ayay sheegeen in sidoo kale la burburiyay, mar ay soo hadal qaadeen hadalkii wasiirka arrimaha dibadda ee Dowladda Fedaraalka Axmed Macallin Fiqi ee uu kaga hadlayay dad ay dooni kula qalibantay dalka Madagaskar ayayna tilmaameen, in iska daa iney dadkaasi wax uqabtaane ay kuwii magaalada Muqdisho joogay ay iyagu dhibaateynayaan.
