Wararka ka imaanaya magaalada Ceerigaabo ee gobolka Sanaag ayaa ku waramaya, in ciidamada maamulka labaxay Soomaaliland ay dileen dad shacab ah, oo kamid ahaa dadka magaalada degan.
Ciidamada maamulka labaxay Soomaaliland ayaa weerar ku qaaday dad shacab ah, oo ku sugnaa suuqa magaalada Ceerigaabo, kuwaasoo la sheegay iney cabasho ka ahaayeen falal horey uga dhacay magaalada, oo ay ku lug lahaayeen ciidamada Booliiska maamulka Soomaliland.
Inta la xaqiijiyay 5 ruux oo shacab ah ayaa ku dhintay rasaasta ay fureen ciidamada maamulka labaxay Soomaaliland, waxaana xilligan kacsan xaaladda magaalada, iyadoo ay suuragal tahay in ciidamada maamulka Soomaaliland geysteen falal horleh oo ka dhan ah dadweynaha.
