Telefishinka dalka Myanmar ama (Burma) ayaa maalintii shalay oo Jimoc ahayd ku dhawaaqay, in dhul-gariiro xooggan oo ay dad badan ku dhinteen ka dhacay wadankaasi iyo dalka Thainland ee dariska la ah.
Mid kamid ah Dhul-gariiradan oo ah kii ugu horreeyay ee dhacay ayaa cabirkiisu ahaa 7.7 darajo, wuxuuna ka dhacay magaalada Sagaing ee dhacda bartamaha dalkaasi, daqiiqado kadib ayaa dhul-gariir kale oo cabirkiisu yahay 6.4 darajo uu ka dhacay isla goobta kii hore uu ka dhacay.
Dhanka xadka uu la wadaago Burma wadanka Thailand waxaa isna ka dhacay saameeyay dhul gariirka, dhisme dheer oo ka kooban dabaqyo badan ayaan soo dumay, kaasoo isagana dhaliyay waxyeello hor leh.
Marka laga soot ago tirada hordhaca ah ee ay xukuumadd Myanmar soo saartay maalintii shalay oo ahayd 144 dhimash ah iyo 732 dhaawac ah, waxay sheegayaan tiro koobyadii udambeeyay indhimashada iyo dhaawacunba sii farbadateen.
Ugu yaraan 1,002 ruux oo dhimasho ah iyo 2,376 dhaawac ah ayey sheegeen warbaahinada rasmiga ah ee dalkaasi iney gaartay waxyeellada ka dhalatay dhul-gariiradii shalay ku dhuftay wadamadaasi.
Dhanka kale burbur baaxadleh ayey sababeen dhul-gariiradan, waxaana gebi ahaanba burburay dhismaal dhaadheer kuwaasoo ay ku dhexjireen dad badan.
Waxaa suuragal ah in tirada dhimashada iyo dhaawaca ay intaasi kasii badanto, maadaama marba marka ka dameysa ay isasa soo tareyso.
Wadanka Myanmar ma ahan markii ugu horreysay oo uu dhul-gariir ka dhaco, waxaana horay looga diiwaan geliyay kuwo hore.
