Dalka Angola ee katirsan qaaradda Afrika ayaa waxaa la qorsheynayay iney ka billowdaan wadallo ku saabsan xaaladda colaadeed ee taagan wadanka Congo, waxaana ku ballasanaa iney isugu yimaadaan dhinacyo ay qeyb ka tahay kooxda M-23.
Iyadoo sidaasi qorshuhu ahaa lagula howlanaa billaabashada wadahalladan, ayaa si lama filaan ah waxaa kaga baxay kooxda M-23, kadib bayaan ay soo saareen saacadihii lasoo dhaafay.
Malleeshiyadan ayaa warka kasoo baxay ku sheegtay iney sii kordheen cadaadisyada Millateri ee mandiqadda iyo xiisadaha siyaasadeed ee carqaleynaya wadahadallada sida ay hadalka udhigtay.
Waxaana la aaminsan yahay in sababaha keenay in kooxdan ka baxdo wadahadalladan ay kamid yihiin kalsoonida darrada ay ku qabto qollada dhexdhexaadineysa iyo sido kale shaki ay ka qabto damaanadd qaadaka xukuumadda Angola iyo qolayaha kale ee shisheeyaha ah sida ay udhaqan gelinkaraan qodobada lagu heshiiyay.
Warka kasoo baxay kooxdan ayaa kusoo aaddaya, iyadoo midowga Yurub uu cunaqabteyno Caalami ah kusoo rogay kooxaha ka dagaallama Congo oo ay qeyb ka tahay M-23.
Sido kale waxay kusoo aadeysaa arrintan, iyadoo Maalintii shalay uu wadanka Qatar kusoo dhamaaday heshiis xabad joojin ah oo ay wada gaareen hogaamiyaasha Congo iyo Ruwnda goob joogna ka ahaayeen labada dhinac, islamarkaana ay dhexdhexaadineysa dowladda Qatar.
