Maalintii shalay maxkamadda Racfaan oo ku taalla wadanka Imaaraat-ka Carabta ayaa xukuno isugu jira dil toogasho iyo xabsi daa’in ku ridday, dhalinyaro horay gudaha wadankaasi looga qabtay dilka wadaad Yahuudi ah.
Haddii aan wax yar dib celino xasuusta, bishii November ee sanadkii 2024-kii, waxaa dhul saxare ah oo katirsan Imaaraat-ka laga helay meydka nin loo yaqaan Kogan oo ahaa wadaad iyo askari Yahuudi ah, kaasoo inta la dilay looga soo tegay saxaraha.
Dilka ninkaasi kadib xukuumadda Imaaraat-ku waxay gacanta ku dhigtay 4 dalinyaro ah, kuwaasoo muddo bilooyin ah iyagoo ku eedeysan falkan maxaabiis ku ahaa gudaha dalkaasi, hase ahaatee shalay ayaa sedax kamid ah dhalinyaradan waxaa lagu xukumay dil toogasho, iyadoo mid afaraad lagu riday xukun xabsi daa’in ah.
Arrintan ayaa muujineysa sida ay xukuumadda Muxamad Ibnu Zaayid ugu hiilineyso Yahuudda dhul boobka iyo gumeysi doonka ah ee gumaadeysa ehelkeyna reer Qazza.
