Dhawaan waxaa magaalada Al-Faashir ee dalka Suudaan waxaa ka dhacay iska hor imaad dhexmaray malleeshiyada RSF iyo ciidanka Suudaan.
Iska hor imaadka oo ahaa mid xooggan ayaa waxaa lagu jabiyay malleeshiyada ay taageerto xukuumadda Imaaraadka Carabta ee lagu magacaabo AD-Dacmu AS-Saariic, wuxuuna taliska qeybta lixdanaad ee ciidanka Suudaan sheegay, iney kooxda RSF dagaalka ugala wareegeen 50 gaari, hubka kala duwan oo ay ku jiraan kuwa culus, diyaarado Drones.
Waxaa sido kale halkii lagu dagaallamay laga helay aqoonsiyada qaar kamid ah calooshood ushaqeystayaal qeyb ka ah malleeshiyada oo kasoo jeeda wadamo kala duwan oo ay kamid yihiin, Faransiiska Chad iyo wadamo kale.
Intii uu dagaalku socday kooxda RSF waxay gurmad ka dirsadeen dalka Liibiya, kaasoo ay wadada ugaleen ciidamo ka barbar dagaallama kuwa suudaan oo iyagu is abaabulay, waxayna hakiyeen gurmadkii ku usocday RSF iyagoo tiro kamid ah malleeshiyadii gurmadka ahaa uusoo kasoo jeeda wadamo kala duwan halkaasi ku dilay, sida ay sheegayaan ilo maxalli ah.
Magaalada Al-Faashri ee wadanka Suudaan ayaa waxaa wali go’doon ku haya kooxda RSF, waxaana ka jira dhimaatooyin badan oo heysta dadka magaalada kuwaasoo ay kamid ah yihiin cuno la’aan iyo dawo’aan, oo ay usii dheeryihiin xadgudubyada malleeshiaydan go’doomiyay magaalada.
