Malleeshiyaadka Kurdiyiinta ee taageerada ka helaya Mareykanka ayaa dagaal sedax geesood ah ku qaaday, ciidamo katirsan kuwa Nuseyriyada Bashaar Al-Aasad oo ku sugnaa baro ciidanka oo ku yaalla magaalada Al-Baab ee wadankaasi.
Weerarkan ayaa habeen barkii ka dhacay Meel dhanka Bari kaga beegan magaalada Al-Baab ee katirsan gobolka Xalab oo dhacda Waqooyiga dalka Suuriyaa, waxayna canaasiir kamid ah malleeshiyada usoo duseen 3 xero oo ay deganaayeen ciidanka Nuseyriyada, iyagoo rasaas oodda kaga qaaday.
15 askari ayey Malleeshiyadanu ka dileen ciidanka Nuseyriyada, iyagoo kala wareegay sedaxdii xero, kahor inta aanan lagu soo qaadin weerar rogaal celin ah oo sababay in dib looga faramaroojiyo goobihii ay la wareegeen.
Weerarkan ayaa yimid kadib saacado ay duqeyn gentaallo ah ku socotay magaalada Al-baab oo laga soo tuuray deegaano ay wada joogaan ciidamada nidaamka Suuriya iyo kuwa malleeshiyaadka Kurdiyiin, waxaana ka dhashay duqeyntaasi dhimashada 2 qof iyo dhaawaca 15 kale. Sida ay sheegtay waaxda difaaca madaniga ee Suuriya.