War kasoo baxay hogaanka ugu sarreeya kooxaha kacdoon wadayaasha Suuriya ayaa lagu sheegay iney la xisaabtami doonaan Mujrimiintii kuwii dadka leyjiray, saraakiishii amniga iyo ciidankii lugta kulahaa tacdiibinta shacabka Suuriya sadihii lasoo dhaafay ee uu bashaar Al-Asad ku amar ku taagleynayay dadka reer Suuriya.
Iyagoo sii hadlaya ayey sheegeen iney Mujrimiintaasi haliilidoonaan dowladaha ay u carareen ka dalbandoonaan, marka gacanta lagu soo dhigana ay maridoonaan si looga abaalmariyo wixii ay geysteen si cadaalad ah.
Waxay intaasi sii raaciyeen iney ku dhawaaqidoonaan magacyada liis ay nambarka koobaad kaga jiraan kuwii ugu waaweynaa ee jirdilka iyo tacdiibka ugeystan jiray shacabka Suuriya, islamarkaana ay abaalmariino siin doonaan qofkii soo sheega macluumaad la xiriira saraakiishii waaweyneyd ee amniga oo ku lugta lahaa jaraa’imta dhacday inta dagaalku socday.
Warkan kasoo baxay kooxaha kacdoon wadayaasha ayaa kusoo aadaya, iyadoo Boqollaal meydad ah oo lagu keydiyay talaajadaha meydadka ayaa laga heley isbitaalka Millateri ee Xarasta oo ku yaalla baadiyaha Dimishiq, waxay u badantahay iney yihiin maxaabiistii muslimiinta ahaa ee uu nidaamka Nuseyriyada gumaaday.
