Ilo dadka deegaanka ah ayaa ku warramay, in 7 qof lagu dilay duqeymahan oo ku dhacay xero barakacayaal oo ku taalla Al-Faashir, halka ay ku dhaawacmeen 47 kale, kadib markii ay madaafiic ku asqeeyeen kooxda RSF xerada barakacayaasha.
Xerada ay madaafiicda RSF ku dhaceen ayaa lagu magacaabaa Abu Shucuud, waxayna dhacdaa jihada Waqooyi ee magaaalada Al-Faashir ee gobolka Daar-Fuur oo katirsan wadanka Suudaan.
Maalmihii lasoo dhaafay waxaa magaaladan ka socday dagaallo udhaxeeyay ciidamada Suudaan iyo kuwa RSF ee taageerada ka helay Imaaraadka Carabta, waxayna is dhaafsanayeen madaafiic, iyagoo dadka magaalada ku kallifay iney barakacaan islamarkaana aadaan goobo nabadoon.
Ma ahan markii ugu horreysay oo ay malleeshiyada RSF leyso dad shacab ah, waxay ka dhaqan ka dhigatay gumaadka dadka rayadka ah.
