Maghribul Islaam, waxaa uu dhulkaani kamid ah dhulalka marti galiyay duullaannada is daba joogga ah ee muddo qarniyo ah gaaladu kusoo qaadeen Muslimiinta, waxaana ka dhacay dagaallo malaaxim ah oo lagu laayay gaalo fara badan.
Waxaa dhulkaani kasoo baxay hogamaamiyaal waaweyn oo ay taariikhdu xustay, kuwaas oo si adag uga hortagay duullaannada lagu soo qaaday mandiqaddaan ay Muslimiinta galbeedka Afrika ku nool yihiin, kuwaas oo ku caanbaxay duullaanadii waaweynaa ee ay qaadeen iyo magaalooyinkii ay furteen.
C/karim Al-Khaddaabi waxa uu ahaa hogaamiyihii muwaaqamada Moroco ee galbeedka Afirca, intii udhexeysay sanadihii 1919-kii milaadiyada illaa 1929-kii, waxa uu ahaa hogaamiyihii macradii caan baxday ee Riif, iyo qaa’id muuqda oo dagaal adag la galay gumeystayaashii Faransiiska iyo Spain ee ku duullay Moroco.
Magaciisa oo dhameystiran waa Maxamed Bin C/kariim Al-Khaaddaabi, waxa uu sanadkii 1300 hijryada kuna began 1882 milaayadi ku dhashay, magaalada Agaadir ee ku taalla dalka Moroco, waxa uu kusoo dhex barbaaray qoys wanaagsan, waxa uuna aabihiis ahaaa hogaamiye beeleed, Jaamacaddii Al-Qarawiyiin ayuu ka aflaxay, isagoo bartay culuumta sharciga iyo luqadda, waxa uuna noqday gaadiga guud ee magaalada Maliilah.
Waxa loogu yeero markii uu dhacay dagaalkii koowaad ee dunida, dowladaha Spain iyo Faransiiska ayaa kala qeyb saday dalka Moroco oo la daalaa dhacayay kala qoqobnaan iyo loolanno gudaha ah, iyo inuu ku tiirsanaado dowladaha shisheeye, kala qeybsigaas ayaanan sababy qeybta woqooyi ee Maraakish ay la wareegto Spain.
