Maamulka la baxay Koonfur-galbeed ayaa cabsi xooggan ka muujiyay weerarada ay ciidamada Xarakada Mujaahidiinta Al-Shabaab ka geysanayaan magaalada Beydhabo ee xarunta gobalka Baay.
Iyadoo mudooyinkii lasoo dhaafay ay magaalada Beydhabo kusii xoogeysanayeen weerarada ay halkaasi ka deysanayaan ciidamada Xarakada Mujaahidiinta Al-Shabaab, ayaa taasi waxa ay cabsi xooggan ku abuurtay maamulka la baxay Koonfur-galbeed.
Maamulkaan ayaa ciidamo badan geeyay garoonka diyaaradaha ee magaalada Beydhabo oo ay saldhig ku leeyihiin ciidanka Xabashida Itoobiya iyo xarumaha kale ee muhiimka ah, iyo duleedyada magaaladaas.
Isxaaq Cali Isxaaq oo ah taliyaha ciidanka Boliska gaarka ah ee maamulka la baxay Koonfur-galbeed ayaa tilmaamay, in ay kordheen weerarada ay ciidamada Xarakada Mujaahidiinta Al-Shabaab ka fulinayaan gudaha magaalada Beydhabo, isagoo si gaar ah usoo hadal qaaday xaafadda Makuudo oo ay marar badan ka dhaceen weeraro kala duwan.
Waxa uu intaa ku daray in askarta Dowladda Fedaraalka ay ku guuldarreysteen iney ka hortagaan weerarada madaafiicda ah ee lagu garaaco garoonka ay ku sugan yihiin ciidanka Xabashida.
Halkaan ka Degso Warka Maamulka Koonfur-galbeed
