Kooxda RSF ayaa tan iyo maalintii Talaadada laga soo billaabo waxay beegsi aan kala joogsi lahayn ku hayaan Shacabka barakaca ah ee ku nool kaamka ZamZam ee dhaca duleedka magaalada Al-Faashir ee ah xarunta gobolka Daar-Fuur.
Kaamkan oo ay degan yihiin kumanaan qof oo kasoo barakacay dagaallada kasocda wadanka Suudaan ayaa waxaa rasaas aan loo meel dayin la dhacaya malleeshiyada Ad-Dacmu As-Sariic, waxayna halkaasi ku gumaadeen dad badan, halka qaar ay dhaawaaceen.
Illaa 7 ruux ayey ku dileen rasaasta ay fureen, waxayna dhaawaceen 40 kale, sida laga soo xigtay ilo caafimaad ku sugan xerada barakacayaasha ee ZamZam.
Dhaqaatiirta ku sugan halkaasi waxay sheegeen in dadkii dhaawacyada ahaa la awoodi waayay in gargaar caafimaad loo fidiyo, haddii uu ahaan lahaa mid ay ka helaan halka lagu dhaawacay, ama in loo qaado goobo kabaxsan kaamka, waxaana arrintaasi ku ugu wacan malleeshiyadan arxan laawayaasha ah ee caadeystay leynta dadka.
Gobolka Daar-Fuur ee dalka Suudaan oo ka kooban shan madiqadood, badan kiis waxaa gacanta ku haya malleeshiyadan, halka ciidanka Suudaanna ay joogaan magaalada Al-Faashir iyo qeybo kamid ah Waqooyiga gobolka.
