Dalka Yemen ayaa lagasoo sheegayaa, in ay diyaaradaha Maraykanku duqaymo cusub ka gaysteen saacadihii lasoo dhaafay, kuwaas oo dhaliyay khasaaro baaxad leh, iyadoo uu Maraykanku sii xoojiyay hawgallada lagu beegsanayo dadka rayidka ah ee uu kawado Yemen.
Warbaahin xiriir la leh kooxaha Xuuthiyiinta ee ka dagaalama Yemen ayaa sheegtay, in duqeymo cusub oo ay fuliyeen diyaaradaha MareykankU ay ka dhaceen deegaano ka tirsan gobollada Al Xudeydah, Sacda iyo Hajjah ee dhaca waqooyiga iyo waqooyi-galbeed dalkaas.
Mid kamida weerarradan lagu beegsaday dalka Yemen ayaa gaystay khasaare burbur oo soo gaaray dhismaha mashruuc biyo xireen oo ku yaalla degmada Al-Mansuuriyah ee magaalada Xudeydah.
Sida laga soo xigtay kooxdan Xuutiyiinta ah ee xiriirka dhow la leh Iran, ayaa sheegtay in duqaymaha uu Marayanku ka fulinayo Yemen ay ku dhinteen 61 qof oo rayid ah iyadoo ay ku dhaawacmeen 139 kale tan iyo 15-ka bishii March ee lasoo dhaafay.
