Wasaaradda Maaliyadda ee dawladda Mareykanka ayaa ku dhawaaqday cunaqabatayn cusub oo ka dhan ah Iiran, iyadoo bartilmaameedsatay 8 shirkadood oo laga leeyahay dalkaas, kuwaas oo lagu eedeeyay inay gacan ka geysteen helitaanka qalab casri ah oo ay isticmaalaan warshadaha difaaca ee xukuumada Iiran.
Tallaabadan ayaa qayb ka ah culaysyada joogtada ah ee ay dawladda Maraykanku ku xannibayso horumarka ballaaran ee ay Tehraan ku kobcinayso awoodeed dhanka Nukliyeerka, tiknoolajiyada, gantaallada iyo diyaaradaha aan duuliyaha lahayn.
Tallaabooyinkan cusub ee uu Mareykanku qaaday ayaa imaanaya xilli xiisadaha gobolka ee Bariga Dhexe ay cirka isku shareen. Waashitoon ayaana qaadaysa talaabo kasta oo ay ugu hiilin karto maamulka Yahuudda, iyadoo khubarada falanqeeya siyaasadda caalamka ay sheegayaan in uu Maraykanku doorbiyadayo dagaalka siyaasada iyo midka dhaqaalaha halkii uu qaadi lahaa dagaal toos ah.
