Dowladda Mareykanka ayaa duqeymo dhanka cirka ka fulisay gobollada Ma’rib iyo Al-Xudeyda ee dalka Yaman, waxayna magaalooyin dhaca goboladaasi ku tuurtay ku dhaawaad 10 gentaal.
magaalada Al-Xudeyda ee dalka Yaman waxaa ka dhacay duqeymo gaaraya illaa 3, kuwaasoo la beegsaday garoonka diyaaaradaha ee magaaladaasi, halka magaalada Majzar ee gobolka Ma’rib ay sido kale ka dhaceen duqeymo gaaraya illaa 5 duqeyn, sida laga soo xigtay Channel-ka Al-Masiirah ee taabacsan malleeshiyada Xuuthiyiinta.
Dhanka kale il wareed millateri oo Yamani ah islamarkaana la hadlay warbaahinta magaciisana qariyay ayaa sheegay, in ay jiraan weeraro dhanka badda ah oo ay Mareykanku la beegsadeen saldhigyo kala duwan oo ay leeyihiin Xuuthiyiinta.
Isku soo wada duuboo duqeymaha ay fulineyso dowladda Mareykanka ee ka dhacay dalka Yaman ayaa maalmahan dambe noqday kuwo isdaba joog ah, waxayna xukuumadda Washington sheegeytay rabitaankeeda ah iney gebi ahaanba dabarjarto kooxda Xuuthiyiinta Shiicada ah, duulaan dhanka cirka ah ayeyna ku billowday isbuucii hore.
