Maalintii shalay oo Jimcco ahayd waxaa dalka Yaman ka dhacday duqeyn ay fulisay dowladda Mareykanka, taasoo ka dhacday gobolka Sacdah ee dhaca Waqooyiga Yaman.
Duqeyntan oo ka dhacday deegaanada ay dalka Yaman ka maamulaan Xuuthiyiinta, ayaa warbaahin taabacsan malleeshiyadan waxay sheegtay in duqeyntu si gaar ah kaga dhacday magaalada Saaqeyn ee dhacda galbeedka gobolka Sacdah, maney bixin tafaasiil intaasi ka dheeri ah.
Xukuumadda Washington dhankeeda si deg deg ah hadal uga soo saarin duqeyntan, Xuuthiyiinta ayaa sido kale horay galabnimadii Khamiista usheegay in duqeymo uu fuliyay Mareykanka ka dhaceen Xudeydah iyo Sacdah ee wadankaasi.
Duqeymihii dhacay maalintii Khamiista ayaa kusoo aady 24 saac kadib markii uu Trump sheegay, inuu gebi ahaanba Yaman ka tirtirayo kooxda Xuuthiyiinta, halka kooxduna ay sheegeen inuusan waxba ka bedeleyn hadalkaasi weerarada ay la beegsadaan maamulka Yahuudda oo ah arrinta uu la gam’i la’yahay Mareykanka.
Tan iyo Maalintii Sabtida duqeymaha uu Mareykanku ka fuliyay Yaman waxay warbaahintu sheegeysaa iney naftooda ku waayeen dad tiradooda lagu sheegay 53 ruux, ayna ku dhaawacmeen in ka badan 100 qof oo kale.
