Saacadihii lasoo dhaafay waxaa marinka Qazza ka dhacay duqeymo kala duwan oo uu fuliyay maamulka Yahuudda.
Duqeymahan ayaa beegsaday masaajidda, guryaha la degan yahay iyo teendhooyinka ay dhisteen dadka reer Qazza, waxaana maalin kaliya ku shahiiday ku dhawaad 30 ruux halka ay ku dhaawacmeen kuwo kale.
Haddii aan soo gudbino dadkan shuhadada ah goobaha kala duwan ee ay Yahuuddu duqeysay, waxaa ugu horreeya 3 ruux oo ku shahiiday duqeyn diyaaradeed oo ka dhacday dhul beereed ku yaalla Waqooyi Bari magaalada Rafax oo dhacda Koonfurta Marinka Qazza, xilli ay Sahaayinadu dadka degan magaaladan ku amreen iney gebi ahaanba isaga guuraan oo ay banneeyaan gurayhooda.
Sidaasi si lamid ah, labo ruux oo kale ayaa midne ku shahiiday midka kalena dhaawac ku noqday duqeyn ay Yahuuddu ka fuliyeen isla magaalada Rafax.
Magaalada Khaan-Yuunis oo kale duqeyn ka dhacday waxaa ku shahiiday 3 ruux qaar kalena waa ay ku dhaawacmeen, kadib markii Yahuuddu duqeymo kala duwan halkaasi ka fuliyeen.
Isla magaaladaasi waxay Yahuuddu duqeyn la beegsadeen masjidka Al-Indunuusi ee ku yaalla halkaasi.
Mukhayamka An-Nuseyraad duqeyn ka dhacday waxaa ku sahiiday dhowr qof halka ay ku dhaawacmeen qaar kale.
Sido kale magaalada Deyril-Balax waxaa ku shahiiday 1 ruux qaar kalena waa ay ku dhaawacmeen, kadib markii uu maamulka Yahuuddu duqeymo ka fuliyay halkaasi.
Isku soo wada duuboo dadka shahiiday saacadihii lasoo dhaafay ayaa tiro ahaan gaaraya 23 ruux, waxaana jira qaar kale oo dhaawacyo ah.
tan iyo intii ay dib ubilowdeen duqeymahan 18-ka bishii March inta dhaaftay oo maanta laga joogo 16 maalin, waxaa Qazza ku shahiiday 1,042 [kun afartan iyo labo] ruux, halka ay ku dhaawacmeen 2,542 [labo kun shan boqol afartan iyo labo] kale, kuwaasoo ubadan haween iyo caruur.
Si guud dadka shuhadada iyo dhaawacyada ku noqday Marinka Qazza kadib weerarkii 7 Oktober, waa in ka badan 164,000[ boqol lixdan iyo afar kun] oo isugu jira shuhado iyo dhaawacyo, kuwaasoo ubadna haween iyo caruur, waxaana sido kale la la’yahay illaa iyo hadda 11,000 [kow iyo toban kun] oo qof.
