Saturday, April 5, 2025
HomeAll NewsMeydka Ganacsade Soomaali ah oo Laga Helay Haro ku Taalla Wajeer.

Meydka Ganacsade Soomaali ah oo Laga Helay Haro ku Taalla Wajeer.

Ganacsahadaan oo kamid ah ganacsatada Soomaaliyeed ee ku dhaqan magaalada Wajeer ee dhulka NFD, ayaa waxaa meydkiisa laga helay harada Lake Yahuud oo ku taalla magaalada Wajeer ee dhulka NFD.

Meydka ganacsadahaan oo lagu magacaabo Mahad Cali Geeddi ayaa laga soo saaray harada, kaas oo la dhigay mid kamid ah isbitaallada ku yaalla magaalada Wajeer.

Darraad ayaa waxaa Mahad laga afduubtay xaruntiisa ganacsi, waxaana muddo la la’aa kadib meydkiisa laga helay harada ku taalla magaalada Wajeer sida ay xaqiijiyeen dadka deegaanka.

Illaa iyo hadda lama oga cida afduubtay ganacsadahaan meydkiisa la helay, balse waxa ay masuuliyiinta maamulka ay Kenya ka dhisatay mandiqadda ay sheegeen iney baaritaanno wadaan.

Galinkii dambe ee maanta, dhalinyaro ka careysan afduubka iyo dilka loo geystay ganacsade Mahad ayaa waxa ay dibadbax ka dhigeen magaalada Wajeer.

Dhowr jeer oo hore waxaa sidaan oo kale haradaan looga helay meydadka dad Soomaali ah oo la afduubtay, kuwaas meydkooda lagu soo tuuray harada, waxaana inta badan falalka nuucaan ah lagu eedeeyaan iney ka dambeyso hey’adda Sirdoonka ee dowladda Kenya.

Si guud dalka Kenya iyo dhulka Soomaaliyeed ee NFD, waxaa mudooyinkii lasoo dhaafay kusoo badanayay afduubka iyo dilalka ka dhan ah dadka Soomaalida ah, waxaana magaalada Nairobi oo kaliya siyaabo kala duwan loogu dilay dhowr qofood oo Soomaali ah kuwaas oo dumar ubadnaa.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Xaatim mukhtar faarx on HAMBALYO: RAMADAAN MUBAARAK.