Magaalada Al-Faashir oo ay gacanta ku hayaan ciidamada Suudaan islamarkaana in muddo ah ay go’doon ku hayaan kooxda RSF ayaa shalay waxaa ka dhacay dagaal fool ka fool ah uu dhaxeeyay labada dhinac, waa ciidanka Suudaan iyo RSF’e.
Askarta Suudaan ayaa sheegay in malleeshiyada Ad-Dacmu As-Sariic ee jooga duleedyada magaalada, ay si dhuumaaleysi ah galabnimadii Khamiista dhinacyada uga soo galeen magaalada, Subaxnimadii shalay oo Jimco ahaydna halkaasi uu dagaal ku dhexmaray iyaga iyo malleeshiyadan.
Dagaalkaasi kadib waxay sheegeen ciidanka Suudaan iney ka taagroonaadeen islamarkaana gaarsiiyeen khasaare isugu jira naf iyo maal intaba, kuna qasbeen iney dib uga gurtaan halkaasi, waa sida loo dhigay warka kasoo baxay’e.
Warka kasoo baxay ciidanka Suudaan ayaa ah mid iyaga kaliya ku eg oo aan lagu kalsoonaan karin, maadaama uu iska hor imaanayo oo ay iyaga laftoodu xaqiijinayaan, in RSF Wali ku sugan yihiin qeybaha Koonfureed ee magaalada, halkaasi oo ay sheegeen iney kula dagaallameen ciidankooda.
