Maalintii shalay oo Isniin ahayd diyaaradaha xukuumadda Suudaan ayaa duqeeyay magaalooyin badan oo dhaca gobollo kala duwan oo katirsan dalkaasi, waxaynna ku dileen 133 ruux, halka ay ku dhaawaceen in ka badan 200 kale.
Haddii aan mid mid usheegno meelah ay duqeyeen ciidanka Suudaan maalintii shalay waxaa kamid ah, duqeyn ay la beegsadeen suuq la buuxay oo ku yaalla madiqad dhacda Waqooyiga gobolka Daar-Fuur, waxayna halkaasi ku dileen 86 ruux, halka tobanaan kale oo dad ah ay noqdeen waxa gubtay iyo wax ay gaareen dhaawacyo halis ah, waxaana ku jira dumar iyo caruur.
Sido kale Suuq ku yaalla Koonfurta Al-Kharduum ayey askarta Suudaan duqeyn ay la beegsadeen dad shacab ah oo ku sugnaa ku dileen 28 ruux, halka duqeyn kale oo la beegsadeen masjid ku yaalla magaalada Baxri ee dhacda Koonfurta Kharduum ay ku dileen 7 qof oo kale.
Intaasi kumey ikeysane, waxay duqeymo aan loo meel dayin isla shalay duhurkii ku laayeen dad badan deganaa deegaano dhaca gobolka AL-Jaziira, waxay ku dileen 12 ruux oo ay ku jiraan 2 qoys oo iyagu gebi ahaanba ku dabar go’ay duqeyntan.
