Taliska ciidanka dowladda Suudaan ayaa maalintii shalay ku dhawaaqay inuu gebi ahaanba si dhameestiran ula wareegay magaalada Al-Khurduum ee caasimadda, taasoo Dhawaan laga saaray kooxda RSF oo in muddo ah halkaasi ku sugneyd.
Dhanka kale waxay ciidanka xukuumadda Suudaan sheegeen iney diyaaradahoodu duqeymo ka fuliyeen magaalada Al-Faashir ee gobolka Daar-Fuur oo dhaca Galbeedka dalkaasi, halkaasoo ay sheegeen iney ku duqeeyeen malleeshiyaadka A-Dacmu As-Sariic ee taageerada ka helay dowladda Imaaraat-ka Carabta.
Warka kasoo baxay taliska Millateriga Suudaan waxaa lagu sheegay, in duqeymahaasi ay dhimasho iyo dhaawac ku noqdeen malleeshiyo katirsan RSF, islamarkaana gaadiid badan oo ay lahayd kooxda ku burburay sida hadalka loo dhigay.
Duqeyntu waxay si gaar ah kaga dhacday duleedka magaalada, RSF ayaana maalmihii udambeeyay la kulmeysay jab xooggan oo ay ka dhaxashay dagaalka ay kaga jirto wadankaasi.
