Saacadihii lasoo dhaafay waxaa barahaa intarnet-ka aad loogu faafiyay, muuqaal laga duubay, Gaal-diin nacaybku buuxiyay qalbigiisa oo magaalada Lodon gaar ahaan afaafka hore ee qunsuliyadda dowladda Turkigu ay ku leedahay magaaladaasi ku hor gubaya kitaabka Qur’aanka Kariimka, iyo nin Muslim ah oo islamarkiiba weeraraya.
Ninkan gaal ah ayaa isagoo gubaya musxafka kuna dhawaaqaya erayo u uku muujinayo nacaybka uu uqabo diinta Islaamka, waxaa si lama filaan ah qunsuliyadda uga so baxaya nin Turkish ah oo ku hubeysan mindi, wuxuuna si toos ah u abbaarayaa gaalka gubaya Qur’aanka.
In kastoo uusan mindida ku dhufan, hadane wuxuu ka qaaday musxafkii uu gubayay, wuxuuna sido kale ugeystay garaacis gaalkii gubaya kitaabka Qur’aanka, kadibna wuxuu ku laabtay dhismaha Qunsuliyadda.
Macadda in ninkan weeraray gaalka gubayay Qur’aanka uu ka shaqeynayay qunsuliyadda iyo inuu dan ka yeeshay oo uu dhacdada la kulmay isagoo halkaasi ku sugan.
Ugu dambeyntii wararku waxay sheegayaan in Booliska Ingiriisku ay xireen ninkii Muslimka ahaa ee gaalka ka difaacay xad gudubkii uu kula kacayay Qur’aanka, iyadoo gaalkii ugefay diinta Islaamkana banaankiisa iska marayo.
