Hal qof ayaa ku dhintay magaalada Jigjiga mid kalena waxa soo gaadhay dhaawac culus kaddib markii cagafta lagu duminayo guryaha agagaarka Masaajidka Sheekh Cabdisalaan ee xaafadda Saddexaad ay hirdiday tiirarka korontada.
Tiir ay ku xidhan tahay koronto (laydh) ayaa kusoo dul-dhacay laba qof oo rag ah, waxaana midkood qabsatay korontada, sidaas ayaanu isla goobta ugu geeriyooday, halka qofka labaadna loola cararay cusbitaalka iyadoo ay xaaladdiisu adag tahay.
Falka ayaa dhacay aadaankii salaadda Casar ee shalay. Muuqaal lasoo dhigay baraha Internetka ayaa muujinaya cagaf ku howlan duminta guryaha halkaasi ku yaala.