Malleeshiyada RSF ee ka jirta wadanka Suudaan, islamarkaana dagaalku kala dhaxeeyo xukuumadda Al-Burhaan, ayaa xasuuday dad dhacab ah xilli ay gudanayeen saaladdaa Taraawiixda.
RSF ayaa dadkan rayad ah ku laayay kadib markii ay duqeymo la beegsadeen xilli ay Taraawiixda ku dukanayeen masjidka Ridwaan ee ku yaalla mandiqadda Sharqu-Niil ee dalka Suudaan.
Ugu yaraan 5 ruux ayey kooxda Ad-Dacmu As-Sariic ku dileen duqeyntan, halka ay dhaawacmeen tobanaan kale.
Goobta uu ku yaallo masjidka ay duqeeyeen RSF ma ahan mid ay ka agdhawyihiin xarumo millateri sida xogta sheegeyso, hase ahaatee waxaan loo arkaa iney si gaar ah ubartilmaameedsadeen dadkan shacabka ah kuna talagaleen iney gumaadaan.
dhanka kale duqeymo ka dhacay gobolka Daar-Fuur ayey RSF iyo ciidanka Suudaanba ku xasuuqeeyn dad rayad ah.
Maalintii shalay ciidanka Suudaan ayaa duqeyn dhanka cirka la beegsaday Suuq ku yaalla baadiyaha magaalada Al-Faashir, halkaasi waxayna xogta la helayo tilmaameysaa in ay waxyeello ugeystay duqeyntaasi dad kor udhaafaya 100 ruux, maadaama suuqu ahaa mid isbuucle ah oo ay dad badan isugu imaadaan, in kastoo aan tiro koob rasmi ah lahaynin.
Dhinaca kale RSF ayaa iyaduna duqeyn madaafiic ah la beegsatay dad dhacab ah, waxayna halkaasi ku dishay 8 ruux 6 kalena waa dhaawacday.
