Maalintii shalay taliska ciidamada maamulka Sahaayinyada ayaa ku dhawaaqay in 4 kamid askartooda lagu dilay qarax ka dhacay gudaha god miineysnaa oo ku yaalla Koonfurta Lubnaan.
Askartan ayaa sida laga soo xigtay maamulka Yahuudda ahaa 2 askarkaal iyo 2 askari, wuxuu qaraxu ku haleelay gudaha godka wuuna ku dul dumay halkaas ayeyn muddo dhan 12 saacadood ku jireen iyagoo lagu howlanaa soo saaristooda.
Godkan ku yaalla Koonfurta Lubnaan ayaa inta la ogyahay ah kii ugu horreeyay oo ay galaan ciidanka Yahuudda kadib 12 maalin oo laga joogo heshiiskii xabad joojinta ee waxba kama jiraanka ahaa, kaasoo la sheegay inuu dhexmaray ururka isku magacaabay Xisbuullaah iyo maamulka Yahuudda, waxaana muuqata in qaraxan uu ahaa mid loogu talagalay in lagu laayo askarta yahuudda, maadaama gudkaba loogu sii diyaariyay.
Godkan ayaa miineysnaa ciidanka Yahuuduna ma ahayn kuwo sidaasi kediska ah ufilanayay iney la kulmidoonaan dhacdada oo kale, hase ahaatee hilbahooda ayaa shiilmay.
Saraakiisha iyo askarta la dilay ayaa katirsanaa ciidanka keydka Yahuudda, waxayna warbaahinta kala duwan ee Yahuudda shaki geliyeen habka ay u dhinteen askartan iyo saraakiisha, iyagoo warka dhimashadooda ku saabsan iyo xilliga la dilayba utebiyay siyaabooyin kala duwan, idaacadda Yahuudda oo kale ayaana sheegtay, in askartan ay ku dhinteen god ay ciidanka Yahuuddu qarax ku xireen, halka kuwo kalena ay sheegayaan warar ka duwan intaasi, oo ay kamid yihii iney dagaal ku dhinteen, balse kan loo badan yahay ee warbaahintu tebineyso ayaa ah iney ku dhinteen qarax ka dhacay Koonfurta Lubnaan.
