Monday, April 7, 2025
HomeAll NewsSaraakiil Lagu Dilay Ceelasha-biyaha iyo Weeraro ka Dhacay Sh-hoose & Bakool.

Saraakiil Lagu Dilay Ceelasha-biyaha iyo Weeraro ka Dhacay Sh-hoose & Bakool.

Ciidamada Xarakada Mujaahidiinta Al-Shabaab ayaa waxa ay habeenkii xalay fuliyeen howlgallo kala duwan oo lala beegsaday ciidanka Xabashida Itoobiya iyo kuwa Dowladda Fedaraalka.

Haddaan ku horeyno weerarka koowaad, Gaari C/bile ah oo ay wateen askar katirsan Dowladda Fedaraalka ayaa qarax lagula beegsaday deegaanka Ceelasha-biyaha ee duleedka magaalada Muqdisho.

Qaraxa ayaa lagu burburiyay gaariga, waxaana halkaasi lagu dilay 2 sarkaal oo lagu kala magacaabo:

1-Muuse Moos oo ahaa taliyaha Ururka degan deegaanka Arbacow.

2-Kuuriyaan oo isana ahaa taliyaha Caafimaadka Ururka Arbacow.

Waxaa intaa dheer oo ay cidamada Xarakada Mujaahidiinta Al-Shabaab weerarkaan qaraxa ku dhaawaceen, 3 askari oo kamid ah ciidankii saarnaa gaariga la qarxiyay.

Geesta kale Howlgal ay ciidamada Xarakada Mujaahidiinta Al-Shabaab ka fuliyeen wadada xiriirisa degmooyinka Wallanweyn iyo Afgooye oo kawada tirsan Sh-hoose ayay ku qabteen, gaari Dandiyeeshe oo agabyo ciidan geeyay saldhigga Balli-doogle oo ah taliska ugu weyn ee uu Mareykanku ku leeyahay Soomaaliya, waxaana gaariga la qabtay xilli uu kusii jeeday magaalada Muqdisho.

Ciidamada Xakada Mujaahidiinta Al-Shabaab ayaa sidoo kale habeenkii xalay waxay weeraro ku qaadeen, saldhigga ay askarta Xabashida Itoobiya ku leeyihiin degmada Xudur ee gobalka Bakool, iyo fariisinka askarta maamulka la baxay Koonfur-galbeed ay ka sameysteen degmada Ceel-barde ee isla gobalkaas.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Xaatim mukhtar faarx on HAMBALYO: RAMADAAN MUBAARAK.