Webiste lagu magacaabo AGC news ayaa daabacay warbixin tilmaameysa, in Xarakada Mujaahidiinta Al-Shabaab ay isku diyaarineyso iney la wareegto magaalada caasimadda ah ee Muqdisho, dalkana ka hirgeliso nidaam Islaami ah oo ku dhaqma Shareecada Islaamka.
Warbixinta ayaa tilmaameysa in Xarakada Mujaahidiinta Al-Shabaab ay ka faa’ideysaneyso xiisadda siyaasadeed ee ay lugaha kula jirto Dowladda Federaalka iyo xitaa xaaladda cakiran ee magaalada Muqdisho, ayna dooneyso in waayada nasoo aadan ay gudaha u gasho magaalada Muqdisho ee caasimadda Soomaaliya.
Webka warbixinta qoray ayaa tilmaamay, in ciidamo kumanaan askari ah oo ay kamid yihiin kuwa sida gaarka ah u tababaran ee Xarakada Mujaahidiinta Al-Shabaab, ay ku suganyihiin duleedyada magaalada Muqdisho, ayna sugayaan awaamiirta kama dambeysta ah ee ay ku geli lahaayeen magaalada Muqdisho.
Warbixinta ayaa sheegtay iney soo xiganeyso ilo sirdoon oo katirsan Maraykanka iyo Dowladda Federaalka, ayna isku raaceen in xogaha sirdoon ee ay helayeen muujinayaan in Xarakada Mujaahidiinta Al-Shabaab dooneyso iney la wareegto magaalada Muqdisho.
Warbixinta waxay ku warameysaa in magaalooyin muhiim u ah amniga magaalada caasimadda ee Muqdisho, oo kala tirsan gobollada Shabeellaha Hoose iyo Shabeellaha Dhexe, ay horey ula soo wareegeen ciidamada Xarakada Mujaahidiinta Al-Shabaab, tanina ay ka dhigeyso mid waqti un kuxiran in dagaalku ka shanqaro gudaha caasimadda iyo duleedyadeeda.
Xilli ay Xarakada Mujaahidiinta Al-Shabaab wado dardar dagaal, ayna la wareegtay dhul muhiim ah, ayay warbixintu tilmaameysaa in Xasan Sheekh Maxamuud ku mashquulsanyahay, heshiisyo dibadeed oo uu la galayo dalalka qaarkood, halka uu sii xumaanayo xiriirka uu la leeyahay maamul goboleedyada iyo siyaasiyiinta.
Warbixinta waxay soo hadal qaaday weeraradii ugu waaweynaa ee waayadan dambe fulisay Xarakada Mujaahidiinta Al-Shabaab, sida qaraxii lagu weeraray kolonyada Xasan Sheekh Maxamuud, duqeymihii lagu garaacay xerada Xalane iyo weeraradii cagmarinta ahaa ee ka dhacay Sabiid iyo Awdheegle.
Waayadii u dambeeyay waxaa aad isu soo tarayay warbixinnada iyo taqaariirta ay qorayaan warbaahinta noocyadeeda kala duwan, kuwaasoo tilmaamaya in isbedel laga filayo Soomaaliya, ayna suurogal tahay in Xarakada Mujaahidiinta Al-Shabaab la wareegto dalka.
