Wargeyska Africa Intelligence ee ka faallooda arimaha amniga iyo sirdoonka ayaa baahiyay warbixin uu kaga hadlayo, kororka ku yimid weerarada ay fulinayaan ciidamada Xarakada Mujaahidiinta Al-Shabaab, kuwaasoo jihooyin dhowr ah ka kulaalaya magaalada caasimadda ah ee Muqdisho.
Wargeyska ayaa sheegay in Xarakada Mujaahidiinta Al-Shabaab ay ka faa’ideysaneyso fursadaha ay heysato, iyo kala daadsanaanta Dowladda Federaalka iyo xaaladda quusta ah ee uu kujiro Xasan Sheekh Maxamuud, waqtigann la joogana ay kordhisay weerarada ay ka fulineyso Muqdisho iyo daafaheeda.
” Xaaladda Muqdisho ayaa qasan, Xarakada Al-Shabaab ayaana sii xoojineysa weeraradeeda maalmihii lasoo dhaafay, madaxweyne Xasan Sheekh ayaana ku jira xaalad kelinimo ah inkastoo uu wado isku dayo uu kudoonayo weeraro uu ku qaado Al-Shabaab, ciidamada Dowladda Federaalka ayaana ka labo labeynaya iney dagaallamaan, tanina waxay Al-Shabaab ku dhirogeglisay iney qabsato dhul ballaaran, oo ay aad ugu dhawaato magaalada caasimadda ah ee Muqdisho” ayaa lagu yiri warbixinta uu daabacay wargegyska Africa Intelligence.
Warbixinta waxay tilmaameysaa in isku dayo uu Xasan Sheekh Maxamuud ku doonayay inuu ku dagaal geliyo malleeshiyaad beeleedyo ay fashihl kusoo dhamaatay, odayaasha dhaqanka ee qabaa’ilka dega Hiiraan iyo Shabeellaha Hoosena ay hadda wada shaqeyn la leeyihiin Xarakada Mujaahidiinta Al-Shabaab.
Mid kamid ah asbaabaha keenay habacsanaanta Dowladda Federaalka iyo fashilka Xasan Sheekh Maxamuud waxay warbixintu ku sheegtay, kala furfuranka ciidamada Dowladda Federaalka, iyadoo Maraykanku joojiyay taageeradii uu siinayay ciidamada Danab, arintaasina ay keentay iney ciidamadu goostaan, danahoodana raacdaan.
Afrika Intelligence waxay tilmaameysaa in ciidamada Dowladda Federaalka ay heysato hogaan xumi, ciidankuna aaney nidaamsaneyn, waana mida keentay bay leedahay warbixintu, in Dowladda Federaalka ay furimaha dagaalka u dirto ciidamadii Ilaada Xabsiyada iyo kuwa Booliiska ee ka howlgeli jiray magaalada caasimadda ah ee Muqdisho.
Isbedellada dhacaya iyo fashilka heysta ciidamada Dowladda Federaalka ayaa dhaliyay sida ay warbixintu tilmaameyso, in Xasan Sheekh Maxamuud uu xilkii ka qaado wasiirkii Gaashandhiga Cabdil Qaadir Maxamed Nuur, kaasoo laga dhigay wasiirka wasaaradda Gaadiidka.
Waxay dardarta howlgallada ciidamada Xarakada Mujaahidiinta Al-Shabaab kusoo aadeysaa, iyadoo duullaanka Shisheeyaha ee dalka uu fashil dhexda kaga jiro, ciidamada Burundi ee qeybta ka ahaa duullaanka Soomaaliya waaya dheerna lagu wado iney dhawaan isaga baxaan dalka, gaar ahaan saldhigyada ugu badan oo ay ku leeyihiin gobolka Shabeellaha Dhexe.
