Iyadoo mudooyinkii lasoo dhaafay ay Xarakarada Mujaahidiinta Al-Shabaab horumarro ballaaran ka waday qeybo kamid ag goballada dalka, ayaa waxaa arrintaasi warbixin ka qoray Wargeyska Addis Standard oo ka mid ah wargeysyada ugu afka dheer ee kasoo baxa dalka Itoobiya.
Warbixinta wargeyska ayaa lagu sheegay in Xarakada Mujaahidiinta Al-Shabaab ay iminka kasoo guureyso nidaamka jabhadeynta ayna u digo-roganeyso nidaam dowladeed, isagoo xusay in ay Mujaahidiintu ku tallaabsadeen haroumarro ballaaran lana wareegeen magaalooyin istaraatiiji ah, iminkana ay kulaalayaan magaalada Muqdisho oo ah caasimadda Soomaaliya.
Dowladda uu hogaamiyo Xasan Sheekh oo uu wargeysku ku tilmaamay mid taagrdaran ayuu sheegay iney awoodeeda sii wiiqmeyso ayna wajaheyso burbur, waxa uuna intaa ku daray in waxa loogu yeero Beesha Caalamka ay sheeda ka daawanayaan waxa ku dhacaya Dowladda Fedaraalka.
Maamullada ka jira Soomaaliya ayuu sheegay iney yihiin kuwa aan ka warheyn duufaanta kusoo wajahan, taas oo uu ku sifeeyay mid aan la iska indho tiri karin, Soomaaliyana laga dareemayo ififaalaha isbadal maamul oo muuqda.
“Waxay sugeen ammaanka dhammaan magaallooyinkii ay la wareegeen, waxaanay ka fuliyaan shareecada Islaamka, iyagoo haatanna u dhiil-qaatay dhanka magaallada Muqdisho oo ay doonayaan inay ka dhisaan dowlad Islaamiya” ayaa lagu yiri warbixinta kasoo baxday Wargeyska Addis Standard ee ka mid ah wargeysyada ugu afka dheer dalka Itoobiya.
Dalalka Reer-galbeedka sida Mareykanka iyo Ingariiska ayay warbixintu sheegtay iney walwal badan ka qabaan awoodda sii kordheyso ee Xarakada Mujaahidiinta Al-Shabaab, halka Turkiga iyo Qadarna ay joojiyeen duullimaadyadii diyaaradahooda ee tagi jiray Muqdisho, kuwaas oo arkaya ayuu yiri wax ay madaxda Villa Somaliya diidan yihiin inay qirtaan.
Waxa uu sidoo kale wargeysku xusay, in uu fashil kusoo dhamaaday safarkii uu Abiy Axmed ku yimid magaalada Muqdisho, kaas oo ay xabashidu ku waday inuu noqdo guul taariikhi ah oo usoo hoyata dadka Itoobiyaanka ah, kadib markii Xarakada Mujaahidiinta Al-Shabaab ay madaafiic ku garaacday garoonka diyaaradaha ee magaalada Muqdisho, xilligaas oo uu kasoo dagayay Ra’iisal Wasaaraha Dowladda Xabashida Itoobiya, tani ayuuna wargeysku ku sifeeyay iney bannaanka soo dhigtay habacsanaanta amni ee ku habsatay Dowladda Fedaraalka.
Waxyaabaha uu wargeysku u daliishanayo awoodda sii kordheyso ee Xarakada Mujaahidiinta Al-Shabaab ayaa waxaa sidoo kale kamid ah, isku-daygii dil ee maalmo ka hor uu sida dirqiga ah uga badbaaday Xasan Sheekh, kadib markii ciidamada Xarakada Mujaaahidiinta Al-Shabaab ay ku beegsadeen afaafka hore madaxtooyada, iyadoo ay taasi barbar socoto tabardarida iyo walwalka heysta madaxda Dowladda Fedaraalka.
Qeybaha dambe ee warbixintiisa ayuu Wargeyska Addis Standard kusoo gabagabeeyay su’aal toosha ku ifineysa fashilka heysta Xasan Sheekh iyo nidaamkiisa waxa uuna yiri “Haddii caasimadda Soomaaliya aysan xitaa ilaalin karin ammaanka madaxdeeda iyo madaxweyneyaasha soo booqda, sidee ayay isu ilaalin kartaa?
