Cabdullaahi Gooddax Barre oo ah Wasiirkii hore ee waxbarashada Dowladda Fedaraalka ayaa ka hadlay jabkii ciidankooda ku gaaray gobolka Hiiraan, wuxuuna dowladda uu katirsan yahay ku eedeeyay gaabis dhankeeda ah oo ay ku sameysay askarta.
Maalin waliba ayuu sheegay iney askari ka dhintaan, firxadka ciidankooda ee ka socda furimaha dagaalka ayuuna xusay iney tahay nasiib darro sida uu hadalkiisa udhigay.
Dagaalka hadda socda iyo waxa uu ku dambeynkaro ayuu soo hadal qaaday, wuxuuna tilmaamay iney suuragal tahay haddii sida ay wax yihiin kusii socdaan in Xarakada Mujaahidiinta Al-Shabaab ugu imaandoonto guryaha ay degan yihiin iyo goobaha ay ka taliyaan ee ku yaalla guud ahaan wadanka.
Wuxuu sheegay saadaalinta la hadal hayo in ay tahay awoodda ciidan ee Xarakada Mujaahidiinta Al-Shabaab oo sii xoogeysta, isagoo dhanka kale rejo beel ka muujiyay dagaalka ay haatan ku jiraan.
Marba marka ka dambeysa waxaa aad isku soo taraya hadallada isdaba joogga ah ee ay jeedinayaan mas’uuliyiinta kala duwan ee Dowladda Fedaraalka, kuwaasoo dhamaatood astaan unoqday iney diraan farrimo niyad jab ah oo ku wajahan ciidankooda ku sugan jiidaha hore.
