Saturday, April 5, 2025
HomeAll NewsXuuthiyiinta oo Dharaar Cad Boob ku Haya Dadka ku Nool Yeman.

Xuuthiyiinta oo Dharaar Cad Boob ku Haya Dadka ku Nool Yeman.

Kooxda Xuuthiyiinta Shiicda ah ee haysta qeybo kamid ah dalka Yaman oo ay ku jirto caasimadda wadankaasi ee Sancaa’ ayaa dhiibaatooyin kala duwan ku haya shacabka Yaman.

Arrinta ugu daran ee ay xilligani la dhibanyihiin dadka rayadka ah ayaa ah in xoolahooda qori caaraddii looga qaadanayo, waqti ay wajahaayan dagaallo iyo daruufo nololeed oo kala duwan.

Il wareedyo ku sugan degmada Al-Cabdiyah ee gobolka Ma’rib ayaa sheegay, in mas’uulka Amniga ee degmada Mucayan oo magaalada katirsan Sancaa’ iyo malleeshiyo ilaaladiisa ah ay si awood sheegasho ku kaxeysteen, xoolo badan oo uu Ari kamid yahay.

Malleeshiyadan ayaa kahor inta aysan dhaca geysan waxay iska cayriyeen islamarkaana togaga Yaman ku dhex eryadeen, dadkii xoolaha daajinayay, kadibna waxay halkaasi ka wateen tobanaan neef oo kamid ah nimcooleyda la dhaqdo.

Dadka deegaanku waxay sheegeen, in kooxda Xuuthiyiintu marka ay dhacayaan xoolahan ku andacoodaan, iney siinayaan malleeshiyadooda oo ay ku tilmaameen Mujaahidiin ku jilba xiran jabahaad kala duwan, taasi ayaana u cuntami waysay dadka Muslimiinta Sunniga ah ee halkaasi ku dhaqan, maadaama ay garanayaan xaqiiqada kooxda Xuuthiyiinta caqiidadooda iyo waxa ay ka shaqeeyaan oo ay Yaman ujoogaan.

Beer-laxawsigaasi markii uu umeel-mariwaayay waxay billaabeen iney adeegsadaan awoodooda, maalin cad ayeyna halkii ay doonaan ka kaxeysataan xoolaah jooga.

Dhacii ugu darnaa waxay geysteen bishii lasoo dhaafay, kadib markii ay nin kamid ah dadka ku dhaqan gobolka Al-Beydhaa’ ka kaxeysteen Ari aad ufarabadan.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Xaatim mukhtar faarx on HAMBALYO: RAMADAAN MUBAARAK.